Fletët mbështjellëse MultiFresh™

Paketimi MultiFresh™ përbëhet nga një shirit i poshtëm me formë të qëndrueshme dhe nga një fletë mbështjellëse e sipërme që mbështjell produktin pa tërheqje dhe e mbyll plotësisht në shiritin e poshtëm. Produkti fiksohet mirë mbi shiritin e poshtëm dhe mund të qëndrojë për shembull ose më këmbë, ose varur. Në këtë mënyrë, paketimi me cipë dhe vakuum parandalon rrjedhjen e lëngut nga produktet dhe ndihmon ndjeshëm në zgjatjen e jetëgjatësisë së tyre. Fletët e holla në trajtë cipe me transparencë të lartë i bëjnë produktet e paketuara më tërheqëse në pikat e shitjes.

Gama e fletëve mbështjellëse MultiFresh™ është unike në aspektin e gjerësisë dhe falë rezultateve perfekte në paketim, vendos standarde në treg. Ajo përfshin zgjidhje për gjithë përdorimet tipike dhe përmban edhe sisteme të përshtatura mbyllëse si cipë sipërfaqësore, cipë që griset si dhe mbyllje kundër fletëve të poshtme teke.

Gama e fletëve të sipërme MultiFresh™ përfshin fletë në trajtë cipe me trashësi të ndryshme dhe karakteristika teknike të ndryshme, si për shembull karakteristika mbrojtëse. Kështu ato janë të përshtatshme për paketimin e produkteve nga më të ndryshme (për nga forma, lartësia, konsistenca etj.) si dhe për mbylljen me shirita të poshtëm të ndryshëm. Në këtë mënyrë mund të paketohen produkte me zgjatim të madh ose produkte me pjesë me buzë të mprehta. Gama jonë e fletëve mbështjellëse përmban edhe fletë në trajtë cipe me një depërtueshmëri të lartë të oksigjenit, për të përmbushur kriteret e FDA-së për paketimin e peshkut të freskët.

Të gjitha fletët e sipërme MultiFresh™ stampohen individualisht me presion të vazhduar dhe me presion të përcaktuar.

*Ka në dispozicion edhe cilësi të tjera, sipas kërkesës

Gama e fletëve të poshtme MultiFresh™ përfshin shiritat e poshtëm dhe vasketat prej materialesh të ndryshme, me ngjyra dhe trashësi të ndryshme si dhe me cilësi të ndryshme të cipës.
Të gjitha fletët mbështjellëse MultiFresh™ prodhohen në përputhje me standardet më të larta ndërkombëtare të materialeve paketuese që bien në kontakt me ushqimin. Prodhimi i produkteve të portofolit tonë realizohet në përputhje me standardet në fuqi si HACCP, BRC/IoP dhe rregulloret përkatëse të BE-së dhe FDA-së.